Путин одбива да застане на чело на фудбалската репрезентација на Русија

Претседателот на РФ Владимир Путин и претседателот на ФИФА Џани Инфантино.

Претседателот на РФ Владимир Путин и претседателот на ФИФА Џани Инфантино.

Kremlin.ru
Претседателот на Русија Владимир Путин дискутираше за изгледите на руска фудбалска репрезентација на Светското првенство со шефот на општинското образование на Черемхово во Иркутската област Вадим Семјонов, кој го покани шефот на руската држава на празнувањето по повод 100-годишнината на градот.

Претседателот на Русија доби покана да присуствува на прославата на 100-годишнината на градот на крајот на состанокот посветен на прашањата за ликвидација на последиците од шумските пожари во Иркутската област и Бурјатија.

Претседателот на РФ го праша Семјонов за неговото мислење како ќе игра репрезентацијата на Русија на претстојното Светско првенство во 2018 година.

„Искрено? Лошо“, изјави Семјонов, пренесува „Взгљад“.

Путин не се согласи со првиот човек на Черемхово.

„Зошто лошо? Чуму овој песимизам? Можеби нема да го освоиме, но зошто да играме лошо?“, изјави Путин.

Тогаш Семјонов изјави дека руските фудбалери ќе заиграат единствено кога нивен тренер ќе стане претседателот.

„Не. Секој треба да се занимава со својата работа. Ајде сепак да се надеваме дека момците ќе се трудат“, изјави претседателот на Русија.

При користење на материјалите на Russia Beyond задолжителен е хиперлинк до изворот од кој е преземен материјалот.