Руската војска постави два светски рекорди

Vitaly V. Kuzmin/www.vitalykuzmin.net
На меѓународниот натпревар на воени возачи што се одржа во близина на Воронеж во рамките на манифестацијата „Армија 2021“, репрезентацијата на Вооружените сили на РФ постави два светски рекорди, соопшти информативната служба на Западниот воен округ.

Првиот рекорд е во брзина на поминување на водена пречка. Во класата на камиони на тркала, најдобро време во поединечен настап постигна возачот на КамАЗ, постариот заставник Сергеј Телих. Тој освои златен медал и ѝ го обезбеди првото место на руската репрезентација во екипен пласман.

Прво место освои и екипажот на тегнач опремен со спојка со седло - гардиските наредници Руслан Иваников и Евгениј Берјозин. Тие го подобрија сопственото време во возење со евакуација на тенк Т-72. Руските возачи ги поминаа сите контролни точки за 12,5 минути, а со оглед на казненото време, нивниот резултат е 13 минути и 28 секунди.

„Новите резултати ќе бидат внесени во книгата на рекорди на Армиските меѓународни игри“, беше речено во штабот на Западниот воен округ.

По првиот натпреварувачки ден, руската репрезентација води во генералниот пласман, војниците од Кина се на второто место, а репрезентацијата на Белорусија е на третото место.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња