Се појави фотографија на лансирниот уред на противвоздушниот систем С-500

Возилото на десет тркала со спуштени транспортно-лансирни контејнери за противвоздушните ракети и затворени прозорци на кабините се транспортира на влекач, пишува „Росијскаја газета“.

Според објаснувањето на фотографијата, станува збор за ПУ 55П6 - базиран на високопроодна шасија БАЗ-69096 со погон на тркала 10х8. Овој влекач е избран за главна машина за С-500. Неговата моќност на моторот е 550 КС, камионот од 33 тони е во состојба да поминува наклони од 30 степени.

Лансерот 55П6 припаѓа на „авионскиот“ сегмент на „Прометеј“. Користи ракети од арсеналот на С-400 и е дизајниран за борба против авијација и крстосувачки ракети. Во единиците за пресретнување на ракетите има и други балистички уреди, макар и на истата шасија. Карактеристиките на комплексот се состојат и во употреба на комбинација од неколку радари за пребарување цели кои работат во различни дијапазони. Со еден плотун С-500 може да собори до 20 балистички ракети.

При користење на материјалите на Russia Beyond задолжителен е хиперлинк до изворот од кој е преземен материјалот.