С-500 ќе може да уништува хиперсонично оружје во вселената

С-500 „Прометеј” ќе биде во состојба да уништува хиперсонично оружје во непосредното опкружување на Земјата, изјави командантот на Воздушно-космичките сили на Русија Сергеј Суровикин во интервју за весникот „Краснаја ѕвезда”.

Претходно за тоа дека С-500 ќе биде способен да пресретнува цели неколку стотини километри од Земјата зборуваше генералниот конструктор на концернот „Алмаз-Антеј” Павел Созинов.

Според Суровикин, техничките карактеристики на С-500 овозможуваат овој систем да се класификува како прва генерација на противвселенската одбрана.

„Карактеристиките на противвоздушниот ракетен систем С-500 му овозможуваат на ова оружје покрај аеродинамични и балистички цели да уништува и хиперсонично оружје од сите модификации, исто така и во најблиската вселена“; истакна командантот, изразувајќи увереност дека во принцип во светот не постои пандан на овој систем.  

С-500 „Прометеј” припаѓа на новата генерација противвоздушни ракетни системи „земја-воздух“. Тоа е универзален систем со голем дострел за висинско пресретнување со зголемен ПРО-потенцијал.

Овој перспективен систем е во состојба да уништува не само балистички, туку и аеродинамични цели (авиони, хеликоптери), како и крстосувачки ракети.

При користење на материјалите на Russia Beyond задолжителен е хиперлинк до изворот од кој е преземен материјалот.