Руска армија: Каква техника ќе добијат оперативните единици на Копнените сили во 2019 година?

Максим Блинов/Sputnik
Во 2019 година оперативните воени единици кои се наоѓаат во состав на Копнените сили на руската армија ќе добијат повеќе од 2500 единици современа воена и специјална техника. Ова ќе обезбеди зголемување на процентот на застапеност на најсовремените примероци борбена техника од сегашните 54% на 60%.

Ова во интервјуто за списанието „Краснаја ѕвезда“ го изјави командантот на Копнените сили, генерал на армија Олег Саљуков.  пренесува рускиот интернет-портал РГ. Тој зборуваше и за тоа кои специфични единици кои се наоѓаат во рамките на Копнените сили ќе добијат нова техника. Ова првенствено се однесува на противвоздухопловните единици. Во моментов овие единици го започнуваат процесот на усвојување на софистицираните ПВО/ПРО системи со голем дострел С-300В4, потоа системите со среден дострел „Бук-М3“ и системите со мал дострел „Тор-М2“. Единиците ќе бидат опремени и со најсовремените лесни преносни ракетни системи за ПВО кои се лансираат од рамо „Врба“.

Што се однесува до артилериско-ракетните единици, во тек е опремување со напредните повеќецевни ракетни лансери „Торнадо-Г“, „Торнадо-С“ и самоодните хаубици „Мста-С“ . Овие орудија поседуваат уникатни способности кога е во прашање автоматското наведување на огнот врз откриените цели . Армијата, исто така, ги усвојува и новите самоодни противтенковски ракетни системи „Хризантема-СП“. Нејзината ракета може да ја пробие оклопната заштита на сите современи основни тенкови кои се моментално во оперативна употреба. Притоа системот не е ограничен во неговата употреба во однос на времето на денот или временските услови.

Треба да се напоменат и комплексите за извидување, управување и врска „Стрелец“, како и оклопните возила „Тајфун-К“ кои се наменети за опремување на извидничките единици. Оклопно-механизираните единици ќе добијат основни борбени тенкови во стандардот Т-72Б3M со подобрени борбени карактеристики, модернизирани борбени возила за пешадијата БМП-3 и оклопни транспортери на тркала БТР-82А.

Командантот на Копнените сили истакна дека ваквото темпо на вооружување на единиците кои се наоѓаат во нивниот состав ќе резултира со зголемување на вкупниот процент на современа техника на 70% до крајот на 2020 година. „Во моментов нашиот главен приоритет е новата воена и специјална техника брзо да ја усвоиме преку интензивна програма за обука и воените вежби кои се планирани за летниот период“, нагласи рускиот генерал.

Прочитајте повеќе: Модерна „Катјуша“ за војната на 21. век: Што претставува „Торнадо-Г“?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња