Јак-130 е подзвучен напреден школско-борбен авион развиен од руското проектантско биро „Јаковлев“. Развојот на воздухопловот почна 1991 година, додека првиот пробен лет беше изведен на 26 април 1996.
Како напреден школско-борбен авион, „Јаковлев“ Јак-130 може да се користи како платформа за обука на пилоти кои ќе летаат со борбени авиони од генерациите 4+ и 4++, како и со авионот Су-57 од петта генерација. Авионот може да се употреби во операции за извидување и извршување на поедноставни ловечко-бомбардерски задачи, носејќи борбен комплет со тежина и до 3000 килограми.