С-400 собори ракети „Кабан“ и „Бекас“: Потврдена високата борбена готовност на руските ракеташи

Руското Министерство за одбрана објави видеоматеријал во кој ракеташите на Јужниот воен округ на полигонот Капустин Јар (Астраханска област) изведуваат воена вежба со боево гаѓање.

На видеоклипот е прикажано боево гаѓање од ракетен противвоздушен систем С-400 „Триумф“. Притоа се пресретнати осум нисколетечки воздушни цели кои имитираа крстосувачки и балистички ракети. Употребени се ракети-мамци „Кабан“ „Бекас“ и „Армавир“.

Овие ракети-мамци се одликуваат со исклучително голема брзина на летот и, она што е многу важно, нивната радарска рефлексија е исклучително мала така што е отежнато нивното откривање. Во секој случај овие ракети претставуваат мети кои се далеку потешко за пресретнување од повеќето цели кои во реална борба би се нашле наспроти системот С-400.

Ракетниот противвоздушен систем С-400 „Триумф“ е наменет за борба против сите видови современи и перспективни средства за воздушен напад, вклучувајќи стратешки бомбардери, балистички и крстосувчки ракети кои се применуваат против копнени цели. Радарската компонента на овој систем има способност да открие и следи цели на далечина до 600 км и со ракети со голем дострел 40Н6 да ги гаѓа од далечина од 400 км . Притоа овие цели можат да се движат на висина од 35000 метри.

Прочитајте повеќе: „Триумф“ и „Панцир“ на Крим уништија „непријателски“ ракети (ВИДЕО)

При користење на материјалите на Russia Beyond задолжителен е хиперлинк до изворот од кој е преземен материјалот.