Црноморски „бастион“: Сите ракетни екипажи на системите С-400 подготвени за секакво сценарио

Слободан Ѓукиќ
Изминативе два месеца младите специјалисти на Крим во целост ги усвоија методите за базична експлоатација и борбена примена на системите „Тунгуска-М1“, „Тор-М2“ и С-400“. Сложениот процес на обука беше крунисан со боево гаѓање и комбиниран марш до местото на постојаната локација.

Специјалистите кои ја сочинуваат основата на борбените екипажи на ракетните системи за противвоздушна одбрана на Крим во целост ги усвоија методите за базична експлоатација и борбена примена на системите С-400 „Триумф“, „Тор-М2“ и „Тунгуска“, соошти информативната служба на Јужниот воен округ.

„Борбените екипажи на ракетните системи за противвоздушна одбрана кои се наоѓаат во состав на 58 комбинирана армија на ЈВО и единиците на 4 армија на ВВС и ПВО (двете формации се распоредени на Крим) успешно ја завршија дообуката на новите и модернизирани борбени системи „Тунгуска-М1“, „Тор-М2“ и С-400 „Триумф“ кои влегоа во вооружувањето 2018 година“, се вели во соопштението.

Изминативе два месеца младите специјалисти на Крим во целост ги усвоија методите за базична експлоатација и борбена примена на системите „Тунгуска-М1“, „Тор-М2“ и С-400“, нагласува информативната служба на ЈВО.

Во теренски услови се исполнети сите нормативи на префрлување на системите од маршовска во борбена позиција и обратно, како што е уредување на огнена позиција, употреба на транспортно-логистичка техника за полнење и подготовка на орудија, тактика на откривање и следење на воздушни цели, тактика на извидување на воздушни цели и нивна класификација според степенот на опасност и сл.

 „По завршувањето на боевите гаѓања единиците на противвоздушната одбрана со новата борбена техника изведоа комбиниран марш до позициите на постојаната локација“, се наведува во соопштението на информативната служба на ЈВО.

Погледнете го видеото: „Триумф“ и „Панцир“ на Крим уништија „непријателски“ ракети 

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња