Руските падобранци во Египет ќе покажат како се врши десант без падобран

Global Look Press
Наскоро почнува здружена руско-египетска антитерористичка вежба.

Припадниците на руските Воздушно-десантни сили (ВДВ) на здружената вежба во Египет ќе им покажат на своите египетски колеги како да вршат десант без падобран, соопшти прес-службата на ВДВ.

„Руските падобранци ќе демонстрираат различни методи на десантирање во текот на антитерористичката вежба на територијата на Арапската Република Египет. На оваа вежба, под назив „Заштитници на пријателството 2018“, руските падобранци првпат ќе изведат десант без падобрани од хеликоптери од руско производство од типот Ми-17 кои ги користи египетското воено воздухопловство“, се наведува во соопштението на ВДВ.

Се прецизира дека десантот на јуришните трупи ќе биде изведен со употреба на јажиња, додека хеликоптерите ќе лебдат на висина од 25 метри.

Здружената руско-египетска антитерористичка вежба „Заштитници  на пријателството 2018“ ќе се одржува на територијата на Арапската Република Египет во периодот од 13 до 26 октомври. ВДВ на овој настан ќе го претставува одред од составот на Гардискиот десантно-јуришен кавкаски козачки полк од Ставропол со бројност од преку 200 луѓе.

Прочитајте повеќе: Како снежна меќава: Илјада руски падобранци изведоа масивен десант над Улјановск

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња