Преку три илјади војници од Казахстан, Таџикистан, Киргистан, Русија, Кина, Индија и Пакистан учествуваа во заедничките антитерористички маневри на членките на Шангајската организација за соработка „Мировна мисија-2018”.
Вежбите се одржани на полигонот Чебаркул во Челјабинската област на Русија. Според податоците на руското Министерството за одбрана, овие воени вежби на Шангајската организација за соработка се најголемите досега. Во нив се користени преку 600 единици техника и вооружување, околу 60 авиони и борбени хеликоптери и околу 20 беспилотни летала.