На борбеното возило за поддршка на тенкови „Терминатор” ќе бидат тестирани нови програмирани гранати. Оваа технологија подоцна ќе може да се користи на секоја оклопна техника со топови со калибар 30 милиметри.
Државните тестирања на новите „паметни“ гранати се планирани за 2019 година, соопшти Јуриј Набоков, извршен директор на Научнопроизводствената единица „Прибор”, која е дел од државната корпорација „Ростех”. Набоков додаде дека „Прибор“ штотуку ги подготвува државните тестирања, но „Терминатор” на прелиминарните вежби веќе тестирал гранати со програмирана експлозија.
Суштината на новата технологија е во тоа што не се внесуваат никакви измени ниту во конструкцијата на оружјето, ниту во системот на вооружување. На оклопното возило се монтира специјален ласерски блок кој ја програмира гранатата да експлодира во одреден момент откако ќе излета од цевката. Како што соопшти извршниот директор на „Прибор”, со помош на ваквите гранати може, меѓу другото, да се предизвика последователна низа од експлозии над непријателски ров.