Припадниците на ирачката војска во Русија ги „студираат“ борбените возила на пешадијата БМП-3М

Алексеј Китаев

Припадниците на ирачката војска се запознаа во Русија со една од најновите модификации на борбеното возило на пешадијата БМП-3М. На интернет се појави фотографија на која е снимен еден претставник на Ирак на возило произведено во Курган.

Најверојатно примерокот на фотографијата е варијантата првпат претставена на военотехничкиот форум „Армија 2015“.

Освен дополнителните оклопени екрани, на возилото се поставени противкумулативни решетки, пишува весникот „Росијскаја газета“. Засилената заштита придонесе масата на оклопното возило да достигне 22 тона. Меѓутоа, тоа е потполно оправдано, зашто сега борбеното возило на пешадијата е отпорно не само на муниција истрелана од митралез со голем калибар или на топовски проектили, туку и на помасивни реактивни гранати.

Наведеното борбено возило на пешадијата е опремено со современи нишански систем „Содема“. Благодарение на термовизискиот канал, навигаторот-оператор има можност да открива оклопни цели на далечина од најмалку 3000 метри.

Возилото е вооружено со топ со калибар 100 мм, кој може да гаѓа со наведувани ракети, 30-мм топ и митралез со калибар 7,62 мм. Максималната брзина на движење на пати изнесува 70 км/ч, по вода 10 км/ч. Автономијата на движење е 600 километри.

Познато е дека ирачката војска заедно со основните борбени тенкови Т-90С купи голема партија БМП-3. Според пишувањето на медиумите, првите борбени возила на пешадијата пристигнаа во Ирак во февруари.

Прочитајте повеќе: Ирачаните од пепел ја подигаат својата „мртва“ дивизија со руски тенкови Т-90С

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња