Француски адмирал воодушевен од руските подморници

Атомска ракетна подморница од проектот 885 (08850) „Јасен“

Атомска ракетна подморница од проектот 885 (08850) „Јасен“

Слободан Ѓукиќ
Началникот на штабот на француската Воена морнарица адмирал Кристоф Празак изрази воодушевеност од руските подморници. За ова тој зборуваше во своето обраќање во Центарот за меѓународни и стратешки истражувања во Вашингтон.

Кристоф Празак изјави дека подморниците на руската Воена морнарица се современи и дека се неверојатно брзи и нечујни. Затоа, според него, француската морнарица и морнариците на другите земји не можат да зборуваат дека ја имаат водечката позиција во светот.

Во овој случај тој мислеше на Кина. Адмиралот наведе бројки: во текот на последниве четири години Кина воведе во состав на својата морнарица 80 бродови и подморници. А тоа може да се спореди со вкупниот состав на француската Воена морнарица. Освен тоа, Кина го гради и својот прв носач на авиони.

Подморничките сили на руската Воена морнарица ги опфаќаат нуклеарните подморници за стратешка намена, нуклеарните повеќенаменски подморници и дизел-електричните подморници. Нивната главна задача е гаѓање на важни објекти на копни, пронаоѓање и уништување на непријателски подморници, носачи на авиони и други површински бродови. Нуклеарните подморници носат балистички и крстосувачки ракети.

Прочитајте повеќе: Зошто американските експерти сметаат дека руската подморница Б-90 „Саров” е „застрашувачка”?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе