Руска нуклеарна подморница во арктичкиот мраз со торпедо направи отвор за ракетни гаѓања

„Екипажот на стратешката нуклеарна подморница успешно ги реализираше задачите за борба против подводен непријател. Увежбани се маневри за избегнување на следење и напад од непријателска подморница по пат на поставување лажна цел“, објасни штабот на флотата.

Откако успеала да му избега на симулираниот непријател, подморницата извела симулирано гаѓање со торпедо за да го пробие мразот. На тој начин руските подморници на Арктикот го подготвуваат отворот за ракетно гаѓање.

„Во рамките на планираните маневри подморничарите на Северната флота увежбуваат заедничко дејствување, организација на комуникацијата, тактика на примена на оружјето во различни услови, стекнуваат пракса во пловење под мраз, пронаоѓање отвори во мраз и изнуркување меѓу санти, а исполнуваат и низа други задачи“, рече раководителот на прес-службата на Северната флота капетан прва класа Вадим Серга.

Погледнете како во 2013 година Северната флота се истовари на Новосибирскиот остров

При користење на материјалите на Russia Beyond задолжителен е хиперлинк до изворот од кој е преземен материјалот.