Руските деминери го добија роботичкиот систем „Кобра-1600”

Министерство за одбрана на РФ
Деминерите на Западниот воен округ први во Русија го добија најновиот роботички систем „Кобра-1600”. Тој е дел од единствениот мобилен инженерски систем за деминирање „МИКР”, кој беше првпат претставен на военотехничкиот форум „Армија-2016”.

Роботот „Кобра-1600” спаѓа во категоријата на таканаречени „лесни роботи“, со оглед на тоа што тежи 62 килограми. Кога е подготвен за транспорт, роботот е долг 850 мм, широк 420 мм и висок 550 мм. Наменет е за извидување, пребарување и прелиминарно испитување на потенцијално опасни објекти. За извршување на овие задачи роботот е опремен со комплет видеокамери и механички манипулатор: подвижен лост со фаќалка. Таа овозможува подигање и преместување на товар со тежина до 25 килограми.

Управувањето со роботичкиот систем се реализира како со помош на  кабел, така и преку радиоврска, во зависност од околностите. Системот може непрекинато да работи од четири до осум часа. Гасеничната платформа ѝ овозможува на „Кобрата“ да совладува прагови високи до 160 мм и водени пречки длабоки до 120 мм.

„Во комплетот на МИКР се наоѓаат четири типа на уреди за откривање на мини, шест типови на извидувачко-набљудувачки системи, блокатори на експлозивни направи на радиоуправување, роботичкиот систем Кобра-1600, комплет средства за уништување експлозивни предмети 2Р4, како и комплет фото и видеоопрема”, соопшти прес-службата на Западниот воен округ.

Во округот пристигнаа вкупно три мобилни инженерски системи за деминирање на база на микроавтобус со зголемена способност за совладување на тешки терени.

Погледнете како работат руските деминери во Алепо

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе