Испораката на руски С-400 за Турција почнува во јули наредната година

Виталиј В. Кузмин
Испораката на руските противвоздушни ракетни системи С-400 „Триумф“ на Турција е планирана за јули 2019 година, напиша раководителот на Секретаријатот за одбранбена индустрија на Турција Исмаил Демир на својот профил на „Твитер“.

„Го поместивме рокот за испорака на системите С-400 кој во договорот со Русија беше предвиден за јули идната година“, соопшти Демир.

Претседателот на Русија Владимир Путин, кој престојува во посета на Турција, изјави дека е постигнат конечен договор за цената на системот.  

Москва изрази подготвеност на молба на Анкара да ја забрза испораката.

Договорот за испорака на С-400 на Турција беше потпишан во декември минатата година

Министерот за надворешни работи на Турција Мевлут Чавушоглу говорејќи претходно за настојувањето на неговата земја да го засили својот систем за противвоздушна одбрана наведе дека руските системи за ПВО-ПРО се одбрани за купување затоа што понудата од САД предизвикувала недоумици.

Прочитајте повеќе: С-400 ќе може да гаѓа цели на растојание до 400 километри

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња