Конструктор: Извозната варијанта на С-400 носи неколку типови на ракети

Сергеј Малгавко/Sputnik
Генералниот конструктор на концернот „Алмаз-Антеј” Павел Созинов изјави дека Русија за извоз го подготвува системот за противвоздушна и противракетна одбрана С-400 „Триумф” со неколку типови на ракети, вклучувајќи и ракети со голем дострел.

„Купувачот во зависност од своите цели може да одлучи каков состав на борбениот комплет, каков однос на тешки и полесни ракети му е потребен за заштита на одредени објекти на територијата на земјата“, изјави Созинов, пренесува „Комерсант”.

Конструкторот објасни дека борбениот комплет содржи неколку типови противвоздушни наведувани ракети: со голем дострел, со среден дострел за противракетна одбрана и специјализирани ракети со среден дострел за уништување на најмасовните цели.

Министерот за одбрана на Русија Сергеј Шојгу вчера во Ханој изјави дека е потпишан договорот за испорака на С-400 на Турција. Според министерот, и други земји од Блискиот Исток и југоисточна Азија веќе покажале интерес за набавка на С-400.

Прочитајте зошто Турција го купува рускиот систем С-400?

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња