Екипажи на Су-30СМ извршија прво полнење на авиони-ловци во воздух

Министерство за одбрана на РФ
Воените пилоти на ловците Су-30СМ првпат во поновата историја на морнаричката авијација на Русија изведоа полнење на авионот со гориво во воздух, соопшти одделението за информирање на Министерството за одбрана на РФ.

Екипажите тренираа во Центарот за борбена обука и дообука на пилоти во Ејск. Од аеродромот полетаа ловци и бомбардери Су-30СМ и Су-24М со кои управуваа пилоти од Балтичката и Црноморската флота. Тие реализираа повеќе од сто контакти со танкерот Ил-78.

Пилотите на споменатите две флоти на аеродромот во Ејск со цел учество во вежбите за полнење на ловци и бомбардери со гориво во воздух долетаа од воздухопловните бази кои се наоѓаат во Калининградската област и на Крим. Таа одлука ја донесе началникот на морнаричката авијација на руската Воена морнарица генерал-мајор Игор Кожин.

Полнењето на гориво во воздух е задолжителен вид обука на пилотите кој од нив бара висок професионализам, сигурност во извршувањето на борбената задача, како и психолошка стабилност. Се работи за сложена операција. На висина меѓу две и осум илјади метри екипажите мораат да му се приближат на авионот Ил-78 и да извршат полнење на резервоарот движејќи се со брзина од 500 до 550 километри на час и држејќи растојание до дваесет метри.

Прочитајте повеќе: Ќе грми како свети Илија-громовник! Почнува модернизацијата на Су-30СМ

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе