Порталот Autonews.ru објави фотографии од новиот кабриолет изработен врз база на теренското возило УАЗ „Патриот”. Првиот примерок го добија властите на Намибија за одржување на свечености.
„УАЗ не ја исклучува можноста за производство на специјални верзии на автомобили од типот кабриолет на шасијата на УАЗ Патриот”, ги коментираше фотографиите директорот на одделението за извоз на компанијата Андреј Дорофеев.
УАЗ
Според топ-менаџерот ваквите возила се барани во министерствата за одбрана на различни земји за свечени пригоди. По правило, ваквите кабриолети одзади имаат скалила за влез, странични ракофати за стабилност на патниците при движење, како и посебна навлака во автомобилот и специјална боја.
УАЗ
Дорофеев исто така потврди дека Улјановскиот завод за производство на автомобили добил нарачка за неколку кабриолети врз база на УАЗ „Патриот” од „воено министерство на соседна држава”. Стручњакот истакнува дека вакви нарачки може да има најмногу неколку десетици, но тој е уверен дека теренските возила без покрив би можеле да си го најдат местото и на слободен пазар.