„Лада Гранта” на трето место на германска ранг-листа на автомобили

Lada
Германскиот автомобилски клуб ADAC оцени кои автомобили најмалку ги чинат своите сопственици и состави ранг-листа на најисплатливите модели.

Листата ја сочинуваат само нови автомобили достапни на пазарот, проценетото време на користење е пет години, а проценетата годишна километража 15000 километри. Во предвид се земаат сите можни трошоци: горивото, одржувањето и поправката, цената на осигурувањето, амортизацијата итн. Автомобилите се поделени во различни класи и во секоја се наведени победниците. Во ниската средна класа на автомобили германската ранг-листа опфати две руски возила: „Лада Веста“ и „Лада Гранта“.

„Лада Веста“ покажа просечен резултат. Ако им веруваме на Германците, овој автомобил со мотор од 1600 кубици и 106 коњски сили, кој во Германија чини 12740 евра, од сопственикот бара месечно да издвои од 450 евра. Затоа „Веста“ во својата категорија го зазеде дури 9 место.

Меѓутоа, „Лада Гранта“ им го обели образот на Русите. Овој автомобил во Германија чини 10050 евра, а месечните трошоци за сопственикот се 389 евра. Затоа „Гранта“ го зазеде третото место по економичност.

На второто место во оваа класа се најде Dacia Dokker (со цена од 8990 евра и месечни трошоци од 371 евра), а на првото караванот Dacia Logan MCV SCe 75 Essentiel (кој чини 7990 евра, а бара месечно одржување од 330 евра).

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња