Една од темите на состанокот меѓу Владимир Путин и Салман ибн Абдел Азиз ел Сауд ќе биде воено-техничката соработка. Во пресрет на посетата на саудискиот крал Москва подготви пакет договори во вредност од 3 милијарди долари во кој е вклучена и испорака на ЗРС С-400 „Триумф“.
Како што се истакнува, потпишувањето на соодветните договори не спаѓа во програмата на посетата, меѓутоа, по преговорите меѓу Путин и ел Сауд би можела да почне преддоговорната фаза, односно преговорите.
Доколку исходот на разговорите биде позитивен, договорите би можеле да бидат склучени кон крајот на октомври на руско-саудиската меѓувладина комисија за воено-техничка соработка, нагласи еден од изворите на руските медиуми.