Турција ѝ уплати аванс на Русија за системот С-400

Russian Archives/Global Look Press
Договорот за испорака на Турција на противвоздушниот систем С-400 стапи на сила, Анкара го уплати авансот, а за роковите засега не можам ништо да кажам, изјави помошникот на претседателот на РФ за воено-техничка соработка Владимир Кожин.

Според неговите зборови, прашањето за предавање на Турција на технологијата за производство на С-400 засега не се разгледува.

„Не се работи за тоа, засега се работи само за испорака на готово оружје, а не на технологија“, изјави Кожин.

Претседателот на Турција Реџеп Таип Ердоган изјави на почетокот на септември дека Анкара потпишала со Москва договор за набавка на С-400 и дека веќе е даден капар.

С-400 „Триумф“ е противвоздушен ракетен систем со далечен дострел кој влезе во експлоатација во 2007 година. Наменет е за уништување на авијација, крстосувачки и балистички ракети, вклучувајќи ги и оние со среден радиус на дејство, а може да се користи и против копнени објекти. Заменик-командантот на Воздушно-космичките сили на Русија Виктор Гумени соопшти пролетва дека во вооружувањето почнале да влегуваат ракети за С-400 кои се во состојба да уништуваат цели во поблиската вселена.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња