„Нападот на САД врз Сирија е резултат на „игрите на американските тронови“

Москва ќе ги гради односите со САД земајќи ја предвид непредвидливоста на нивните акции.

Москва го поврзува нападот на САД врз сириската воздухопловна база со внатрешнополитичката борба во Вашингтон, изјави во петокот портпаролот на руското Министерство за надворешни работи Марија Захарова.

„Јас би го нарекла она што го гледаме денес, „игри на американските тронови“. Тоа е војна на внатрешнополитичките кланови, воено-финансиските, политичко-финансиските структури кои не можат да ги прифатат резултатите од изборите“, изјави Захарова за телевизијата НТВ, пренесува „Интерфакс“.

Според неа, „на Американците ќе им биде срам“ за извршениот напад врз Сирија.

Захарова, исто така, додаде дека Русија ќе ги гради своите односи со САД имајќи ја предвид на непредвидливоста на нивните постапки. „Со разбирање на апсолутната непредвидливост на САД како земја, како партнер. Токму од тие позиции ќе ги градиме“, изјави портпаролот на МНР на Русија.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња