Тајните служби на САД негираат поврзаност на Трамп со руското разузнавање

Шефот на администрацијата на Белата куќа Рејнс Прибус изјави дека американските тајни служби го увериле дека нема никаква поврзаност на членови на изборниот штаб на Доналд Трамп со руското разузнавање.

Американските специjални служби ја сметаат за лажна информацијата за контакти меѓу членовите изборниот штаб на Доналд Трамп и руските власти. Ова го изјави шефот на администрацијата на Белата куќа Рејнс Прибус во програмата на „Фокс Њуз“.

„Претставниците на највисоките кругови на разузнавачката заедница ме уверуваа дека тие обвинувања не само што едноставно се силно преувеличени, туку и не одговараат на вистината. Тие јасно дадоа до знаење дека таа приказна е целосна глупост“, изјави тој.

Претходно весникот „Њујорк Тајмс“ објави напис во кој се тврди дека членовите на изборниот штаб на Трамп контактирале со високопоставени припадници на руските специјални служби.

Од Службата за надворешно разузнавање на Русија истакнаа дека „со изненадување го прочитавме написот“ и не сакаа да дадат коментар.  МНР Русија смета дека таквите публикации се доказ дека во Вашингтон се во тек големи внатрешнополитички игри и договарања. Кремљ потенцираше дека тие соопштенија не се базираат на никакви факти, пишува РИА „Новости“.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња