Експерт: Испадна дека идејата на Европската унија е утопија

Шпанија никако да излезе на крај со европските норми на буџетски дефицит, а владата е во постојана криза. Истекува рокот на турскиот ултиматум до ЕУ. Турската страна очекува укинување на визите со ЕУ кон средината на октомври, а Европа тоа ветување сигурно нема да може да го исполни. Решение за миграциската криза сѐ уште нема. Се намали блискоисточниот бегалски бран, но во исто време се зголеми африканскиот ... И ова е само кратка и некомплетна листа на Европските вести за изминатите неколку дена, пишува аналитичарот Виктор Мараховски.

Сега кога една петина од европската економија (Велика Британија) донесе одлука (и покрај својата елита) да ја напушти ЕУ – за ресетирање на унијата зборуваат речиси сите повеќе или помалку важни политичари, пишува Виктор Мараховски во статијата објавена во интернет магазинот УМ+. „И затоа може смело да се зборува можеби не за ликвидација на единствена Европа, но сигурно за тоа дека најдобрите времиња одамна поминале. На некој парадоксален начин ЕУ и нејзиното денешно единство се многу удобни за обидите на сите во Европа да се насамарат едни со други, непрестајно обвинувајќи се меѓусебно за поткопување на единството на унијата. Со други зборови, гледаме борба за превласт внатре во структурата, а не борба за самата структура“, пишува тој.

Како дојде до тоа? Замислената во осумдесеттите години на минатиот век Европска Унија се разликува од денешната ништо помалку отколку СССР во 80-те години од денешните постсоветски простори.

Се разликуваат луѓето, целите и условите, продолжува експертот.

„Европејците од 90-те години не личат на денешните. Средностатистичкиот Европеец имаше малку повеќе од 30 години, беше роден и воспитуван во традиционално семејство. Беше со речиси бела кожа, беше христијанин и се сеќаваше на гладните 50-ти, се плашеше од нуклеарна војна и комунизмот. Имаше две деца и не знаеше за поимот депопулација.

Средностатистичкиот Европеец денес има речиси шеесет години. Далеку е од традиционалните облици на социјални врски, Има еден и пол пати помалку брачни партнери и деца. Не оди во црква. Не се плаши од нуклеарна војна, но се плаши дека во некој џихад ќе го заколат доселеници чиј број порасна пет пати“.

Мирната глобална супердржава  е утопија, тврди Виктор Мараховски. Таа исчезна во ирационалните авантури на САД, во рушењето на цивилизираните држави на Блискиот Исток и во бранот мигранти кој е невозможно да се запре.

Утопијата беше и идејата на „сојуз на еднаквите, без водачи и потчинети“. Како изгледа таа внатрешноевропска рамноправност може секојдневно да се види преку примерот на односот на Германија спрема земјите од источна и јужна Европа, пишува во статијата Виктор Мараховски. 

 

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња