Руски бомбардери уништија шест големи магацини на ИД во Сирија

Бомбардерите на Воздушно-космичките сили на Русија во Сирија извршија напад врз објектите на „Исламската држава“, соопшти Министерството за одбрана на РФ.

Ту-22М3, кои полетаа од аеродроми на територијата на Русија, извршија концентриран напад со распрскувачка муниција во реоните југозападно, источно и североисточно од Деир ел Зор, пренесува РИА „Новости”.

ИДИЛ повторно ѝ се заканува на Русија

Во нападот се уништени два командни пункта на терористите, шест големи магацини со оружје, два тенка и четири пешадиски возила, седум автомобили со оружје со голем калибар и голем број терористи.

Бомбардерите беа придружувани од авиони Су-30СМ и Су-35С, кои полетаа од авиобазата „Хмејмим“.

Министерството за одбрана истакнува дека по успешно извршената задача сите руски авиони се вратени во своите бази.  

Сите права ги задржува „Росијскаја Газета“.