Полска ја зајакнува својата ПРО за да се заштити од Русија

26 јули 2016

Руска реч на македонски

Од Министерството за одбрана на Полска велат дека приоритет во модернизацијата на војската до 2022 година зајакнување на противракетниот штит на земјата, а Варшава донесува таква одлука по припојувањето на Крим кон Русија, пишуваат западните медиуми.

Како што изјави заменик-министерот за одбрана на Полска Батош Ковнацки, Варшава планира да потроши околу 10 милијарди долари на купување системи за противвоздушна одбрана и противракетна одбрана со среден дострел, како и 5 милијарди долари за ПВО систем со мал дострел, пишува „Дифенс Њуз“.

u0421u0410u0414 u0433u043e u0437u0430u0441u0438u043bu0443u0432u0430u0430u0442 u0441u0438u0441u0442u0435u043cu043eu0442 u0437u0430 u041fu0412u041e u0432u043e u0415u0432u0440u043eu043fu0430

Полскиот министер за одбрана Антони Мацеревич изјави дека Варшава најверојатно ќе потпише договор со американските власти и компанијата „Рејтеон“ (Raytheon) за испорака на ПВО системот „Патриот“.

Изданието додава дека полските планови можат да се објаснат како реакција на модернизацијата на ракетниот потенцијал на Русија во Калининград, кој се граничи со Полска и Литванија, а се мисли на балистичките ракети 9K720 „Искандер“.

Според различни процени, пишува изданието, руските ракети имаат дострел од 500 км, односно можат да ги погодат главните градови на Полска и Литванија. Аналитичарите, чие мислење го наведува изданието, се сомневаат дека Полска ќе ги добие првите системи „Патриот“ пред 2022 година.

Сите права ги задржува „Росијскаја Газета“.

русија и нато Накратко