Песков откри детали од разговорите меѓу Путин и Бан Ки Мун и Јункер

Главна тема на разговорот на претседателот на Русија Владимир Путин со генералниот секретар на ООН Бан Ки Мун на средбата во Санкт Петербург бее конфликтот во Сирија. Ова во петокот го изјави портпаролот на рускиот претседател Дмитриј Песков, пренесува „Лента.ру.“

u0408u0443u043du043au0435u0440: u0420u0443u0441u0438u0458u0430 u0438 u0415u0423 u0442u0440u0435u0431u0430 u0434u0430 u043fu0440u043eu0434u043eu043bu0436u0430u0442 u0434u0430 u0440u0430u0437u0433u043eu0432u0430u0440u0430u0430u0442 u0438 u043fu043eu043au0440u0430u0458 u0441u0430u043du043au0446u0438u0438u0442u0435

„Во целина Путин даде висока оценка за работата на Бан Ки Мун на местото генерален секретар на ООН, имајќи предвид дека тој е блиску до завршувањето на својата мисија. Во присуство на (специјалниот пратеник на ООН Стафан) де Мистура големо внимание ѝ беше посветено на Сирија“, соопшти Песков.

Портпаролот на претседателот исто така потврди дека Путин не дискутирал на средбата со шефот на Европската комисија Жан-Клод Јункер укинување на санкциите. „Се дискутираше ситуацијата во која фактички ние се најдовме во услови на замрзнати односи  на линијата Русија и ЕУ“, објасни тој.

Москва и Брисел, како што истакна Песков, разбираат дека не треба „да се стават себеси во таков вакуум“. „Тоа не одговара на интересите ни на ЕУ, ни на Русија (...) Сфаќање дека треба да се бараат начини за излез од ситуацијата постои“, заклучи портпаролот Песков.

Сите права ги задржува „Росијскаја Газета“.