Греф: Пораст на руската економија при 45 долари за барел нафта

Претседателот на „Сбербанк“ Герман Греф смета дека руската економија може да покаже раст веќе наредната година при цени на нафтата од 45 долари за барел, пренесува телевизијата „Русија 24“.

Според првиот човек на „Сбербанк“, цената на барел нафта во 2020 година би можела да достигне 60 долари, а до 2024 година може да се зголеми до 80 долари.

u0423u0448u0442u0435 u043au043eu043bu043au0443 u043du0430u0444u0442u0430 u0438u043cu0430 u0432u043e u0420u0443u0441u0438u0458u0430?

Според Лондонската берза ICE, цената на суровата нафта „Брент “ на 26 мај првпат од 4 ноември 2015 година го надмина нивото од 50 долари за барел. Максималната цена на трансакцијата со јулски фјучерси за сурова нафта „Брент“ достигна вредност од 50,08 долари за барел.

Цените на нафтата почнаа да се зголемуваат по објавувањето на 25 мај на податоците за резервите на САД. Така, комерцијалните нафтени резерви во земјата се намалија од 16 до 20 мај за 4,2 милиони барели, на 537, 1 милиони. Притоа аналитичарите очекуваа пад за само два милиони барели.

На 29 мај министерот за енергетика на РФ Александар Новак изјави дека предвидува обнова на балансот на понудата и побарувачката на пазарот на нафта до крајот на 2017 година. Министерот исто така посочи дека дотогаш уделот на гас ќе се зголеми, бидејќи како еколошка суровина тој ќе се користи повеќе ширум светот.

Сите права ги задржува „Росијскаја Газета“.