МНР РФ: Преговорите во Женева не треба да се претворат во „пазар“

„Женевската платформа треба да стане „работилница“ за усогласување на контурите на идната сириска времена држава и дефинирањето на патиштата за напредок до неа, а не „пазар“ со елементи на груба уцена спрема меѓународната заедница. Со својата ултимативна позиција „Ријадската“ екипа, најверојатно, се обидува да го сокрие отсуството кај неа на конкретни реалистични предлози за модалностите за политичкото решение на кризата во САР“, се вели во коментарот на Одделот за информација и печат на МНР РФ објавен на сајтот на институцијата.

u0422u0430u0458u043du0430u0442u0430 u0430u0433u0435u043du0434u0430 u043du0430 u041fu0443u0442u0438u043d u0432u043e u0421u0438u0440u0438u0458u0430

Според министерството, решението на „Ријадската“ група за излегување од преговорите сведочи за нејзината ниска подготвеност за склучување договор и ја потврдува нејзината неспособност за претставување на интересите на опозицијата во Сирија. Особено се истакнува тоа што „Московско-каирскиот блок“ и “Хмејмимската група“ на опозицијата на Сирија не ја поддржаа одлуката на своите колеги и ја осудија нивната одлука за прекин на учеството во преговорите.

Претходно шефот на МНР РФ Сергеј Лавров ја нарече „Ријадската“ група на опозицијата во преговорите за Сирија „каприциозна“ и „разгалена“, повикувајќи ја меѓународната заедница да ги пресече нејзините обиди за враќање кон насилно решение на конфликтот во Сирија, пренесува РТ на руски.  

Сите права ги задржува „Росијскаја Газета“.