Лавров: Русија не води тајни преговори за Сирија

Гласовите дека Русија води тајни преговори за Сирија се обид да се компромитира Москва, изјави шефот на МНР Русија Сергеј Лавров, пренесува РИА „Новости“.

u0422u0430u0458u043du0430u0442u0430 u0430u0433u0435u043du0434u0430 u043du0430 u041fu0443u0442u0438u043d u0432u043e u0421u0438u0440u0438u0458u0430

Според неговите зборови, постојат такви кои сакаат да ја препишат одлуката на СБ ООН и „да се обидат да го предодредат исходот од сириските преговори“. На пример, тие го истакнуваат како претходен услов барањето во ултимативна форма за потребата од заминување на претседателот Асад. „Тоа е неприфатливо, тоа е обид за прекин на процесот за решавање и за компромитирање на СБ ООН“, изјави Лавров на прес-конфереција.

„А гласовите дека Русија дала „зелено светло“ за тоа во текот на некакви тајни преговори е веќе обид да се компромитира Руската Федерација. А истовремено и да се префрли врз нас, веројатно, одговорноста за тоа дека некои, како што чувте, подготвуваат план „Б“, а имено сметаат дека тие преговори ќе пропаднат и тогаш ќе биде можно, како што соопштија американски официјални лица, да се испорача ново вооружување во Сирија за непомирливита опозиција за тие да ја решат по воен пат најстарата и до ден-денес од некои негувана задача за соборување на режимот по пат на воени дејствија“, додаде министерот за надворешни работи на Русија.

Сите права ги задржува „Росијскаја Газета“.