Бук-М2 добива системи за врска од петта генерација

Обединетата корпорација за производство на инструменти соопшти дека противаавионските ракетни системи Бук-М2 ќе бидат опремени со најнови системи за радио-врска. Според зборовите на претставниците на руската корпорација, новите системи се значително поотпорни на пречки кои можат да бидат создавани од непријателот. Освен тоа, најновите радио-станици се постабилни кога станува збор за пресретнување на сигнали.

u041du043eu0432 u0440u0443u0441u043au0438 u0448u043fu0438u043eu043du0441u043au0438 u0431u0440u043eu0434 u0437u0430 u0441u043bu0435u0434u0435u045au0435 u043du0430 u0430u043cu0435u0440u0438u043au0430u043du0441u043au0430u0442u0430 u041fu0420u041e

„Обединетата корпорација за производство на инструменти во 2016 година ќе испорача серија радио-станици од последна генерација за ракетните системи Бук-М2 во состав на руската војска. Новите телекомуникациски системи имаат високо ниво на заштита од пречки и можност да емитуваат маскиран сигнал, како и да вршат псевдослучајна промена на фреквенцијата на емитувањето на сигналот. По тоа се разликуваат од радио-станиците од претходната генерација, кои функционираат на однапред одредени фреквенции, што ја зголемува можноста за следење и пресретнување на сигналот“, се наведува во соопштението на корпорацијата, пренесува „Военное обозрение”.

Во соопштението исто така се наведува дека е во тек работа на создавање на системи за врска од шеста генерација, кои ќе имаат сосем нови можности за размена на информации. Според зборовите на претставникот на корпорацијата, радио-станиците од шеста генерација ќе влезат во сериско производство во рок од две години.  

Сите права ги задржува „Росијскаја Газета“.