Русија создаде нов хеликоптер на „судниот ден“

Обединетата корпорација за производство на инструменти (ОПК) создаде воздушно командно место врз база на хеликоптери. Засега е изработен еден пробен модел на системот на апаратура кој ги помина државните испитувања. ОПК сега очекува нарачки од Министерството за одбрана за вакви командни места.

Воздушното командно место врз база на хеликоптер е опремено со специјални системи за врска, како и со радиостаници и предаватели. Од таков хеликоптер може директно да се раководи со копнени, воздушни или дури и ракетни сили во услови на воени конфликти и отсуство или дефект на копнената инфраструктура за врска.

Моделот на хеликоптерот на „судниот ден“ (како уште се нарекуваат воздушните командни места) засега е непознат, меѓутоа воздушните командни места од претходната генерација, произведени уште во СССР, беа изработувани врз база на хеликоптерите Ми-6 (тешките) и Ми-8 (средните).

Во јануари 2016 година ОПК соопшти дека му го предала на Министерството за одбрана воздушното командно место за стратешко управување од втора генерација врз база на еден од најтајните руски авиони – Ил-80.  Новите воздушни командни места се одликуваат со зголемена отпорност, сигурност, помали се и имаат помала потрошувачка на енергија.  

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња