Путин му го честиташе изборот на Инфантино за претседател на ФИФА

Претседателот на РФ Владимир Путн ја потврди подготвеноста на руската страна за понатамошна конструктивна соработка со ФИФА, особено во подготовката на СП-2018

Претседателот на Русија Владимир Путин испрати телеграма со честитки до Џани Инфантино по повод неговиот избор за претседател на ФИФА, соопшти прес-службата на Кремљ, а пренесува ТАСС.  

„Активната и плодна работа во меѓународните спортски организации, важниот личен придонес за развојот на фудбалското движење со право ви донесоа висок авторитет. Убеден сум дека професионалното искуство, големиот креативен, организаторски потенцијал ќе ви помогнат на новата одговорна функција, ќе послужи за зајакнување на позициите на ФИФА во светот“, се вели во телеграмата.

Путин исто така ја потврди подготвеноста на руската страна за понатамошна конструктивна соработка со ФИФА, особено во подготовката на СП-2018.

Изборот за претседател на ФИФА се одржа во Цирих во петокот. 45-годишниот генерален секретар на УЕФА Џани Инфантино победи во вториот круг на гласање со 115 добиени гласови.  

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња