Синот на Ердоган одрекува дека купува нафта од ИД

Синот на претседателот на Турција Билал Ердоган изјави дека неговата компанија се занимава со градежен бизнис.

Синот на претседателот на Турција Реџеп Таип Ердоган, 35-годишниот Билал Ердоган, одрекува дека има некаква врска со нелегалното купување нафта од терористичката група „Исламска држава“, пренесува РИА „Новости“.  

„Ние имаме градежна компанија. Градиме канцеларии во Истанбул. Ние немаме бизнис во Медитеранот, во Сирија или Ирак“, изјави во интервјуто за италијанскиот весник „Кориере дека Сера“  Ердоган, кој во моментов студира во Болоња.

Одговарајќи на прашањето дали тогаш може да има врска со тргувањето со ИД компанијата на неговиот брат, Билал потенцира дека неговиот брат навистина работи со камионски транспорт, но истиот не може да се користи за превоз на нафта. 

Сите права ги задржува „Росијскаја Газета“.