Лидерот на „Десен сектор“ во настаните во Киев виде „трага од ФСБ“

Лидерот на радикалната организација „Десен сектор” Дмитриј Јарош ги повика Украинците да не организираат нереди, изјавувајќи дека демонстрациите се „потег на ФСБ”.

Лидерот на радикалната организација „Десен сектор” Дмитриј Јарош ги повика Украинците да не организираат нереди, изјавувајќи дека демонстрациите се „потег на Федералната служба за безбедност на РФ”.

„Уверен сум дека обидот сега да се предизвика крвав судир, кога сѐ уште постои голем број политички лостови со кои може да се делува на ситуацијата, претставува идиотизам и им оди на рака не само на надворешните, туку и на внатрешните непријатели“, напиша  Јарош на својот Фејсбук профил, а пренесува „Взгљад”.

Според неговите зборови, „на Печорските ридови (во Киев) има многу од оние кои спијат и гледаат дека Украинците одат по патот на крвав бунт, уништувајќи ја државата, место да застанат на патот на националната револуција, да го совладаат режимот на внатрешна окупација и да ги добијат посакуваните Слобода, Правда и Благосостојба”.

„Штета што многумина вистински патриоти не сфаќаат дека ова е потег на ФСБ...“, напиша Јарош.  

Нередите пред Врховната рада на Украина почнаа во понеделникот откако пратениците на првото читање усвоија амандмани на Уставот во делот кој се однесува на децентрализацијата, и покрај тоа што пред Радата се собраа повеќе илјади луѓе. Демонстрантите двапати се обидоа да го заземат парламентот. Меѓу припадниците на полицијата беше фрлена рачна бомба. Околу 100 луѓе беа ранети. Едно лице загина.  

Сите права ги задржува „Росијскаја Газета“.