Путин: Побарувачката за руско оружје во светот е стабилна

Оружјето и воената техника на Русија продолжуваат да бидат барани на светскиот пазар, портфолиото со нарачки се прави со години однапред, изјави претседателот на Русија Владимир Путин, а пренесува ТАСС.

Путин истакна дека на Првиот меѓународен воено-технички форум „Армија-2015“ присуствуваат делегации од 59 земји и претставници на уште поголем број држави. „Сметаме дека во текот на планираните презентации вие ќе можете уште еднаш да се убедите во високата ефикасност и сигурност на руското производство за воени намени, да откриете нови можности за долгорочни договори“, им се обрати Путин на странските стручњаци.

Според него, рускиот воено-индустриски комплекс е подготвен да го понуди целиот комплет услуги – од испорака на вооружување до постгаранциско одржување, сервис и обука на кадри.

„Потенцирам дека ние сме отворени и за соработка, заедничка работа, за заеднички разработки на перспективни примероци на вооружување, за започнување на перспективни иновациски проекти“, изјави шефот на руската држава. 

Сите права ги задржува „Росијскаја Газета“.