МНР на Русија: изјавите на шефот на полското МНР срамни за целата политика на државата

Шефот на МНР на Полска Гжегож Схетина се срами не само себе, туку и целата дипломатска служба на земјата и целата политичка култура на Полска, изјави во интервју за РСН заменик-министерот за надворешни работи Григориј Карасин.

Шефот на МНР на Полска Гжегож Схетина се срами не само себе, туку и целата дипломатска служба на земјата и целата политичка култура на Полска, изјави во интервју за РСН заменик-министерот за надворешни работи Григориј Карасин. Така претставникот на министерството ги коментираше зборовите на Схетина дека тој не разбира зошто Денот на победата се одбележува во Москва, а не во друга европска држава.   

„Зошто толку лесно навикнавме на тоа дека Москва е местото каде се чествува крајот на воените дејствија, а не Лондон или Берлин, што би било уште поприродно?“ – рече Схетина во понеделникот, 2 февруари, во живо на радиостаницата  RMF FM.

Притоа, според зборовите на Схетина, не би било сосем природно да се празнува Денот на победата, денот на крајот на војната и „таму, каде таа војна почнала“. Така шефот на МНР на Полска ја коментираше идејата на претседателот на земјата Бронислав Коморовски по повод одбележувањето на крајот на Втората светска војна во Европа. Коморовски планира да ги покани европските лидери на 8 мај на свеченост на полуостровот Вестерплате близу Гдањск, каде на 1 септември 1939 година започна Втората светска војна.

Претходно шефот на администрацијата на Кремљ Сергеј Иванов, коментирајќи го овој предлог, истакна дека тоа било направено „за да се спречи секаква желба на низа раководители на европски држави, и то не на сите, да дојдат во Москва на 9 мај.“ Иванов изрази зачуденост во врска со тоа што Полска предложила да се одбележи Победата во Гдањск, каде не се случиле никакви воени победи.

За шефот на МНР на Полска ова не е првпат да се најде во центарот на вниманието на медиумите во врска со своите изјави на тема Втора светска војна. Вистински меѓународен скандал предизвика неговата изјава од 21 јануари, кога изјави дека концентрациониот логор Аушвиц бил ослободен од украински војници. Шефот на МНР на РФ Серге Лавров ја оцени таа изјава како богохулие. Со полскиот министер не се согласи и канцеларот на Германија Ангела Меркел.

Сите права ги задржува „Росијскаја Газета“.