Европската унија не е подготвена да ги укине антируските санкции

Кетрин Ештон соопшти дека има прогрес, но дека нема да се укинат санкциите против Русија.

Заклучок од средбата на шефовите на министерствата за надворешни работи на ЕУ е дека Европската унија не е подготвена да ги укине санкциите против Русија, пренесува Интерфакс, повикувајќи се на Кетрин Ештин, претставник на ЕУ за надворешни работи.

„И покрај одредениот прогрес (исполнување на Минскиот протокол), уште многу нешта треба да се завршат. Процесот на прекин на огнот засега не се почитува во целост“, забележа Ештон.

Исто така, таа забележа дека Европа ќе продолжи да му помага на настраданото население во Украина.

„Што се однесува до санкциите против Русија - сѐ останува како и досега“, додаде Ештон. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија