Русија ја потсети Франција на санкциите во случај да се откаже договорот за испорака на „Мистралите“

Раскинувањето на договорот за продажба на универзалните десантни бродови „Мистрал“ на воената морнарица на Русија може да донесе повеќе проблеми за француската, отколку за руската страна.

Раскинувањето на договорот за продажба на универзалните десантни бродови „Мистрал“ на воената морнарица на Русија може да донесе повеќе проблеми за француската, отколку за руската страна. Ова мислење го изнесе Олег Бочкарјов, заменик на претседателот на Воено-индустриската комисија при руската влада, а пренесува „Лента.ру“. Според мислењето на експертот, казната за пролонгирање или откажување на договорот ќе достигне милијарди евра.

„Ако договорот биде еднострано раскинат, на руската страна ќе ѝ бидат вратени парите, а француската страна ќе треба да плати и казна за откажување од договорот. Ним во тој случај ќе им остане бродот кој е направен во склад со руските барање и со руско учество“, ги пренесува „Лента.ру“ зборовите на Бочкарјов.

Тој истакна дека за раскинување се плаќа казна. Претходно беше соопштено дека договорот за купување на „Мистралите“ изнесува 1,2 милијарди евра. Кршењето на договорот може да ја чини три милијарди евра. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња