Американски генерал е отпуштен поради пијанство за време на службен пат во Русија

Американскиот генерал Мајкл Кери, кој беше на чело на ракетните единици за стратешка намена, е отпуштен поради „грубо и недостојно“ однесување за време на службениот пат во Русија, пренесува Военото воздухопловство на САД.

Тој консумирал алкохол и покажувал грубост кон претставниците на земјата во текот на заедничките вежби кои се одржани на територијата на Русија во јули годинава, пренесува ИТАР-ТАСС.

Раководството на Пентагон го отпушти Кери уште во октомври. Тоа било познато и претходно, но некои детали од случајот „пијанство“ се објавени дури сега.

Познато е дека Кери за време на престојот во Русија стапил во контакт со некоја странка, која, според него, „предизвикувала сомнежи“ во поглед на безбедноста. 

Сите права ги задржува „Росијскаја Газета“.