Претседателот на Русија, Владимир Путин и германската канцеларка, Ангела Меркел во петокот посетија изложби во Ермитаж посветени на древната историја на Европа.
Изложбата „Бронзен век. Европа без граници - 4-1 илјадалетие пред нашата ера“ за прв пат ги претставува етапите на развој на културите во бронзената ера од крајбрежјето на Атлантскиот океан до Урал. На широката публика ѝ е дадена можност за прв пат да ја погледне „првата заедничка европска епоха“ и периодот на развој на разни народи во бронзената ера.
Освен тоа, Путин и Меркел ја посетија изложбата „Против светлината“. На експозицијата се претставени најдобрите дела од германски уметници од ХХ век.
На изложбата Путин предложи Русија и Германија да земат пример од тоа како работат специјалистите на двете држави во областа на културата, тргнувајќи од нивниот деполитизиран приод. „Посебно пријатно е тоа што германските и руските специјалисти многу години заедно работат и ни даваат можност да се запознаеме со уникатните уметнички дела од минатото кои не обединуваат, и притоа тоа го прават вон секој политички контекст од современото време“, изјави претседателот на Русија.
Сите права ги задржува „Росијскаја Газета“.