Рогозин ги оцени можностите на руската бојна машина „Тигар“

Батерија од 8 боеви машини „Тигар“, опремени со противтенковска управувана ракета „Корнет“ може да замени цела противтенковска дивизија. Ова денес го соопшти генерал-полковник Владимир Чиркин за време на посетата на 106-та Гвардиска воздушна дивизија во Тулската област, каде што присуствуваше и вице-премиерот на Русија, Дмитриј Рогозин.

„Осум вакви машини имаат по 16 управувани ракети, и истите можат, според својата ефективност, да заменат цела артилериска дивизија“, изјави Чиркин.

Вице-премиерот додаде дека една ваква машина може да уништи 16 тенкови, т.е. е во состојба да се бори ефективно со цела тенковска чета. „Јас сметам дека оваа машина има добар извозен потенцијал“, додаде Рогозин. 

Сите права ги задржува „Росијскаја Газета“.