Во Русија ќе се произведува опрема за четвртата генерација мобилни мрежи

Томскиот Центар за безжични технологии може да стане првиот центар од ваков вид во Русија кој ќе добие статус на државен произведувач на опрема за четвртата генерација мобилни мрежи.

Заедничката финско-германска фирма NokiaSiemensNetworks и „Микран“ од Русија – сакаат оваа недела да поднесат документи во Министерството за индустрија и трговија за добивање статус на руски произведувач на опрема за четвртата генерација на мобилни мрежи, изјави за „Ведомости“ заменикот раководител на Роскомнадзор, Олег Иванов.

Изградбата на инфраструктура за LTE е веќе во план, веднаш откако заврши конкурсот во 2010 година. Засега има два оператора кои ќе нудат ваква услуга – државниот „Ростелеком“ и чеченскиот „Вајнахтелеком“.

„Ростелеком“ во 2010 ја доби дозволата за изградба на мрежа за безжичен трансфер на податоци во дијапазон од 2,3-2,4 гигахерци, но сѐ уште не започнал со изградбата. Заменик претседателот и технички директор на компанијата, Иван Зима, кон крајот на минатата година изјави дека изградбата не е започната поради отсуство на руска опрема за LTE

Сите права ги задржува „Росијскаја Газета“.