Веднаш по распадот на Советскиот Сојуз, Русија се најде во длабока економска криза која предизвика драстичен раст на криминалот. Таканаречените „диви 90-ти“ беа период на немилосрдни мафијашки пресметки, престрелки и пљачки.
А пред руските жестоки момци да бидат ликвидирани, да се најдат во затвор или да преминат во легални води и станат „почитувани“ бизнисмени, тие се возеа токму во вакви автомобили.
1. ВАЗ-2109
В. Књазев / Sputnik
Единствениот руски автомобил на овој список, ВАЗ-2109 беше брз, релативно сигурен и евтин. Колата ја возеа и луѓе кои немаа допирна точка со мафијата, и опеан е и во популарните песни од тоа време.
2. BMW 525i
Jirapat Chroenkeskij/Wikipedia
И покрај популарноста на продукцијата на ВАЗ, довчерашните Совети беа сити од домашната автоиндустрија и мечтаеја за странските коли кои го преплавија пазарот по распадот на земјата. ВMW 525i стана симбол на руските 90-ти. Со брзиот германски автомобил бандитите бегаа од полицијата која сѐ уште едвај се движеше возејќи сделано в СССР.
3. BMW 7
nakhon100/Wikipedia
Уште еден модел на БМВ Русите го паметат по тоа што во 90-те беше дупчен со куршуми како швајцарско сирење.
4. Lincoln Town Car
Public Domain
Американските автомобили посебно беа ценети во Москва и околината. Преголемата и несмасна „Линколн“ лимузина сепак кажуваше многу за статусот на оној што ја возеше. Во Русија по правило тоа беше припадник на елитата во криминалниот свет, тнр. „крадец во законот“ (рус. „вор в законе“).
5. Volvo 940
Виктор Коротаев / Reuters
Лимузините тешко се пробиваа низ тесните улици на Санкт Петербург. Во северната престолнина на Русија бандитите ги симпатизираа Volvo и Saab од блиското соседство.
6. Jeep Grand Cherokee
Фјодор Завјалов / TASS
Луксузните автомобили сепак не беа најдобриот избор за лошите руски патишта. Затоа жестоките момци возеа теренци како Grand Cherokee. Можеби џипот и голта многу бензин, но горивото тогаш беше многу евтино.
7. Mercedes G класа
Shadman Samee/Flickr
Шефовите на мафијата не беа луди по ова теренско возило дизајнирано пред сѐ за потребите на германската и иранската војска. Mercedes Gelandewagen беше премногу бучен и тесен за нив, но не и за телохранителите.
8. Mitsubishi Pajero
Global Look Press
Тешкиот, јак и брз Mitsubishi Pajero ја играше улогата на тенк во борбите за превласт во подземјето. Веќе рековме дека вообичаената слика на тие години беше изрешетаниот БМВ 7. Pajero беше автомобилот кој најчесто го дигаа во воздух.
9. Chevrolet Tahoe
Reuters
Ако за Американците тоа беше обичен семеен автомобил, во Русија превезуваше барем девет членови на една вооружена банда.
10. Mercedes S 600
Jagvar/Wikipedia
Сонот на сите руски бандити, тронот на тркала, „кабан“, односно вепар, како што беше наречен во Русија, во деведесеттите години страдаше од куршуми и експлозив повеќе отколку сите други автомобили заедно.