Путин одликуваше специјалец кој зароби противвоздушен систем „Стингер” во војната во Авганистан

AP

Претседателот на Русија Владимир Путин го одликуваше со Орден „Херој на Руската Федерација“ офицерот на руската воена разузнавачка служба ГРУ Владимир Ковтун за учество во борбените дејствија во Авганистан, се наведува во соопштението, објавено на сајтот на прес-службата на Кремљ.

Телевизијата „Ѕвезда” објави дека 1987 година борбена група под команда на Ковтун била првата група советски војници на која ѝ тргнало од рака да зароби противвоздушен систем „Стингер” кој САД им го доставуваа на муџахедините.

„За јунаштвото, храброста и смелоста покажани при исполнувањето на специјални задачи во услови опасни по живот на Владимир Павлович Ковтун му се доделува звањето Херој на Руската Федерација”, се наведува во текстот на указот.

Според информациите со кои располага ТВ-каналот, на Ковтун му било ветувано високо одликување уште за време на СССР, но тој тогаш не го добил.

Прочитајте повеќе: Зошто СССР испрати трупи во Авганистан?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња