Силна група руски бродови на чело со крстосувачот „Варјаг“ во посета на кинеската морнарица

Виталиј Анков/Sputnik
Информативната служба на Тихоокеанската флота ја извести јавноста дека нејзините бродови впловиле денеска во военото пристаниште Ќиндао каде нејзините екипажи наредниве денови ќе се запознаат и спријателат со своите кинески домаќини.

Силен одред на Тихоокеанската флота во чиј состав се наоѓа и нејзиниот главен брод – ракетниот крстосувач „Варјаг“, големиот разурнувач Адмирал Пантелеев“ и големиот морски танкер „Борис Бутома“ впловија во пристаништето Ќиндао (Народна Република Кина), соопшти денеска информативната служба на Тихоокеанската флота, пренесува рускиот интернет портал Интерфакс.

Во програмата на оваа посета е планиран состанок на командантот на рускиот поморски одред, контраадмиралот Едуард Михајлов и неговите потчинети со командантот на Северната флота на Народно-ослободителната армија на Кина и првите луѓе на градот Ќиндао. Исто така, предвидена е и програма за меѓусебна интеракција и запознавање на екипажите со организирани посети на руските и кинеските воени бродови, каде морнарите ќе се запознаат со нивните главни карактеристики.

Рускиот поморски одред ќе остане во територијалните води на Народна Република Кина сѐ до 25 октомври.

Воените бродови на Тихоокеанската флота пред дваесетина дена го започнаа својот тримесечен поход од главното пристаниште во Владивосток. Оваа група бродови, предводена од ракетниот крстосувач „Варјаг“, ќе реализира низа комплексни боеви вежби во текот на својата пловидба која главно ќе се одвива во регионот на северозападниот и западниот Пацифик, а покрај НР Кина во план е посета и на морнариците на Јапонија и Република Кореја.

Погледнете го видеото: Руските маринци се запознаваат со кинеска оклопна техника

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња