Не пропуштајте!
Придружете се на Russia Beyond на Телеграм за повеќе есклузивни содржини
Алтајскиот регион е познат по дивите шуми, недопрените езера и бескрајните ливади. Тоа е ретко место на Земјата каде убавината на природата е совршено зачувана во нејзиниот изворен облик. Бидејќи тоа е планински регион, климата може да биде студена. Така, мештаните смислиле јадења за да се загреат.
Чорбата „кочо“ е одлично локално решение за да се нахрани човек и добро и топло на најдобар можен начин, со комбинирање на најфиното јагнешко месо и бисерниот јачмен, но без големи количини на зачини.
Чорбата кочо е составен дел од локалниот живот на Алтај. За време на празници и важни настани, како што се погреби и проштални церемонии, на гостинската маса секогаш се служи чорбата кочо.
Посебноста на оваа чорба, како и на алтајската кујна воопшто, е умерената употреба на зачини. Месо, бисер јачмен, сол и вода - тоа е сè што ви треба за да го направите ова јадење.
Се разбира, како и со сè, важни се суптилните нијанси. Јагнешкото месо е најдобро со коски; на пример, јагнешките ребра или плешката се одличен избор. Од таквото месо се прави богата чорба позната на локалниот дијалект како „муен“, во која се користи јачмен и се вари за да се добие густа чорба.
Сепак, на самиот крај - кога јадењето се служи на масата, се додава лесна арома. Се додава малку див кромид. Или можете да додадете сушен кромид во зимските месеци кога свежиот не е достапен. Дивиот степски кромид има благ мирис на лук. Мојата опција за див кромид беше власец. Во кочото се додава и изгмечен лук.
При сервирање, чорбата со јачменот се истура во чинии, додека одделно се ставаат одделни парчиња меко месо. Се служи со алтајски јогурт или кајмак, и традиционален сомун.
Кочо чорбата е многу вкусна дури и без зачини. Бисерниот јачмен ѝ дава посебен вкус и млечна нијанса на чорбата. Јагнешкото месо е меко и се топи во устата. Со почетокот на студеното време, најдобар начин за да се загреете е со порција обилна, густа, топла чорба кочо.
1. Измијте го месото и прелијте го со ладна вода. Посолете и оставете да зоврие.
2. Често тргајте ја пената што настанува од месото.
3. Покријте го тенџерето со капак и варете на тивок оган 2,5 часа, додека месото не омекне.
4. Измијте го јачменот. Мојот беше инстант, така што не морав претходно да го квасам во вода. Погледнете ги упатствата за готвење на пакувањето.
5. По 2,5 часа додајте го бисерниот јачмен во чорбата и месото.
6. Варете го бисерниот јачмен малку подолго од времето наведено на пакувањето. Би требало да омекне и булјонот да стане прилично густ.
7. На самиот крај додајте го и лукот.
8. Искршете го месото на парчиња и сервирајте одвоено.
Чорбата кочо е подготвена. Пријатен апетит!
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче