Не пропуштајте!
Придружете се на Russia Beyond на Телеграм за повеќе есклузивни содржини
Питата „кравец“ е кулинарски бисер на Република Мариј Ел, руски регион во централниот дел на течението на реката Волга.
Кравец или киравец го добил името по називот на една друга пита, „каравај“. Како и каравајот, кравецот е тркалезен. Се подготвува за празници, како и за свадби, за драги гости.
Во зависност од годишното време, за полнење се користат различни видови месо: лете јагнешко, зиме свинско и говедско, а на есен месо од живина. Ловците подготвуваат кравец со зајачко месо. Понекогаш се користи и мешавина од неколку видови месо. Може да се користи дури и месо од живина со коски.
Питата се прави од бесквасно тесто. Тестото се дели на два нееднакви дела и секој се расукува со сукало. Поголемиот дел од тестото се става на дното на длабока тава или пекач. Покрај филот со месо, питата се полни со некоја житарка, најчесто просо со кромид и ловоров лист. Житарката не само што ја прави питата посочна, туку и го собира вишокот течност од месото.
Полнењето се распоредува сурово во слоеви. Помалиот дел од тестото се става одозгора и добро се прицврстува, спојувајќи се со долниот дел од тестото како капак. Така од тестото настанува затворен сад во кој месото се крчка долго и на тој начин станува меко и сочно.
Специфичноста на кравецот е што се подготвува долго време на тивок оган. По 3-4 часа во рерна, месото, кромидот и просото стануваат ароматично и сочно јадење. Порано било обичај при печењето тестото да се покрива со листови свежа зелка за да не изгори. Додека се пече во рерна, тестото станува крцкаво.
Кога питата е готова, се отстранува горната кора и се сече на порции. Се јаде со виљушка, додека горната кора може да се грицка како прилог.
На свадбите вообичаено е кумот да ја пресече питата на седум еднакви делови, што не се прави толку лесно.
Тесто:
Фил:
Исплакнете го просото и варете 5 минути во солена вода. Процедете, исплакнете под млаз ладна вода и исушете го на крпа.
Измешајте ги сите состојки за тестото додека не се соединат.
Тестото префрлете го на набрашнета површина. Обликувајте го во топка и оставете го 20 минути покриено со фолија или крпа.
Месото исечете го на мали парчиња. Колку е месото помасно, толку посочен ќе биде филот. Понекогаш готвачот додава и парченца кожа и цели парчиња месо со коски. Тоа е можно, бидејќи питата се јаде со виљушка, а не со рака.
Кромидот исечете го на коцки.
Тестото поделете го на два нееднакви дела.
Поголемиот дел од тестото расукајте го во круг со дебелина од 5 мм.
Ставете го во сад за печење. Јас не ја подмачкав нелепливата тава, но вие можете да ја намачкате со масло. Тестото треба да виси преку работ.
Преку тестото ставете го подготвеното просо.
Додајте го кромидот и сол по вкус.
Потоа додајте го месото и сол по вкус.
Одозгора ставете го остатокот од кромидот и ловоровите листови.
Расукајте го помалиот дел од тестото.
Покријте ја питата со помалиот дел од тестото.
Залепете ги рабовите.
Одлучив да го пробам старомодниот начин на печење со листови зелка и со нив ја покрив питата.
Листовите се сушат брзо и оставаат траги на тестото. Потоа ги заменив со фолија.
Ставете ја питата во рерна загреана на 200 степени и печете 20 минути. Тогаш ги заменив листовите со фолија.
Намалете ја температурата на 150℃ и печете 3-3,5 часа.
Околу 10 минути пред да биде питата готова ја отстранив фолијата и оставив горната кора да се запече до кафена боја.
Ја оставив питата да се излади.
Како што е обичајот, од питата ја тргнав горната кора.
Месото беше меко, кромидот проѕирен, а просото добро варено и преполно со мека и мрсна течност.
Питата се сервира топла.
Пријатен апетит!
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче