Две престолнини на Златната Орда се наоѓаат во Русија

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Стар Сарај (Сарај-Бату) – село Селитреное, Астраханска област

Градот бил основан од Бату-кан во текот на 1250-тите. На почетокот на XIV век Сарај-Бату се протегал 10-15 километри во должина и зафаќал површина од 36 квадратни километри, огромна за тоа време. Бил поделена на окрузи по етничките групи.

Во него живееле Руси, Половци (Кумани), Черкези, Волшки Бугари и Византијци. Вкупно над 70000 луѓе.

Центарот со куќи од печена или сирова тула зафаќал околу 10 км2. Палатата на канот била обложена однатре со керамички плочки со позлата и украсена со стихови на персиски јазик.

Процутот на Сарај-Бату траел нешто повеќе од половина век. Канот на Златната Орда Узбек (Узбег), кој владеел од 1313 до 1341 година, ја преместил претолнината спротиводно по реката Ахтуба и ја нарекол Нов Сарај.

После тоа стариот град брзо пропаднал. „Историските“ згради кои сега стојат во селото Селитреное кај Астрахан се само декорација направена во 2012 година за снимањето на филмот „Орда“. Денес тоа е туристички објект и историски парк „Сарај-Бату“.

Нов Сарај (Сарај-ал-Џедид, Сарај-Берке) – село Царев, Волгоградска област

Можеби новата престолнина била основана од Берке-кан уште во 1260-тите, но тоа е само претпоставка. Ниту локацијата на градот не е целосно утврдена.

Преовладува мислењето дека се наоѓала во близина на сегашното село Царев во Волгоградската област. Кога во 1361 година Златната Орда била зафатена од политичка криза поради борбата околу престолот, позната како „Големата смут“, градот преоѓал од едни раце в други, за да биде разурнат во 1395 година од трупите на Тамерлан кои се бореле против канот Тохтамиш.

Сега на местото на градот има ендеци и една осамена спомен плоча.